(રાગ: ત્યાં પેલી ગોપીઓનો સંગ જો)
કૃષ્ણજીનું મુખડું સ્નેહાળ જો - ત્યાં મારી સુરતાનો ઠામ જો
શીરપર પર શોભે છે પંચ પાઘડી - પાઘડીમાં લીલા પીળા ફૂલ જો
મુખપે શોભે છે સોના બંસરી - બંસરીમાં મહ્યું ગોકુળ ગામ જો
વાંકી અણીયારી ભમ્મર આંખડી - આંખડીએ ભૂલ્યા બ્રહ્મા ભાન જો
હાથે હીરા હેમ સાંકળાં - આંગળી પર તોળ્યો ગિરિરાજ જો
શ્રી વત્સ ચિહ્ન છાતી માંય જો - ભૃગુ લાંછન જોડા જોડ જો
કેડે શોભે છે કટી મેખલા - નાભી ધરાનો રૂડો ઘાટ જો
પાયે ઝાંઝર ઝીણા વાગતા - સુરસરી ગંગાનાં સ્નાન જો
એરે ચરણે ત્રિલોક માપીયું - બલીને ચાંપ્યો પાતાળ જો
શલ્યાની કરી અહલ્યા સુંદરી - ચુંથાને શરણની આશા જો
No comments:
Post a Comment